من جاب مثلك حي مايقاله مات = يا ابو بدر مثلك بها الوقت وينه

[قوي العزوم]

هذه القصيدة مهداة من الشاعر\ دخيل الله الجهني الى اللواء \عمر بن خالد الشيباني

مشكور يا راع الوفاء والجمالات= اللي لكسب الطيب عوّد يمينه
هذي فعوله من سنيناً قديمات = ريف الظعيف اللي وطنه سنينه
من نسل عوداً يوم كانت مجاعات= مايذبح الهزلات غير السمينه
تشوف في وجهه بشاشه وبسمات= اللي يجيله دوم يضحك جبينه
غديت عنده من حساب القرابات = لوكان شيباني وانا من جهينه
ماهو من اللي يجمعون الريالات= حسّابة الناقص ونقص الخزينه
من جاب مثلك حي ما يقاله مات= ياابو بدر مثلك بها الوقت وينه
ولخوانكم عندي جزيل الكرامات= اخوان لي وطيبهم شاكرينه
عساك تسلم ماتعرضك لوعات= يا مساعد المديون في سد دينه
واقبل سلامي ياعمر والتحيات = معروفكم محفوظ ومثمنينه

ولكم اطيب التحيات

[العتيبي المميز]

الله يعطيك العافيه يا قوي العوازم

والظاهر ان اللواء/ عمر بن خالد الشيباني العتيبي راعي مواقف

وموووو بغريبه عليهم عتااابه

بيض الله وجهه

وصح لسان الشاعر دخيل الله

[قوي العزوم]

حياك الله
يالعتيبي المميز
واللواء\ عمر بن خالد الشيباني
ليس بغريب عليه هذا الكرم
فهو رجل كريم ابن كريم
ومن قبيلة مشهور بالكرم والجووود
فليس مستغرب هذا الكرم
فهو منبع الكرم والجوود
وشكرا

[أبو مرحبا]

يستاهل المدح اللواء عمر الشيباني

وصح السان الشاعر دخيل الله الجهني


لاهنت على النقل الموفق

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عبدالله الجـــذع]

يستاهل والله ابوعمر..

وصح لسان الشاعر ..

وماقصرت على النقله..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محب الهيلا]

صح لسان الشاعر

مشكور وماقصرت

[الشيباني 2000]

يستاهل المدح ابو بدررررر

وماهي غريية عليه

فهو شيخ اين شيخ

ومشكورررر اخوي قوي العزوووم

ع القصيدة الاكثرررر من رايعة


تحياتي