كلمات ابن البجاديه

[ابن البجاديه]

اخواني اعضاء منتدى الهيلا


السلام عليكم ورحمة الله وبركاته


اقدم لكم ولأول مره بعضا من ابياتي الشعريه التي اتمنى بأن تحوز على رضاكم



اخوكم نايف النفيعي (ابن البجاديه)



القصيده الاولى

لا واللذي مشى السحايب بالامطار=واللي رفع سبعه ولا ابدى عمدها
ماشفت مثله في صغيرين الاعمار=يملك سهومن فالمحبه رصدها
فالقلب سهمه صابني بعد ماطار =وسهوم حب وماحصينا عددها
ياليت خلي ساكنن جننبنا جار=واصير من ناسن سكن في بلدها
بدال مانب ذايقن مر وامرار =وبدال نفسن مالقت من نشدها..
عن حالتن صعبه وعن كل ماصار=وعن السعاده واللذي ماوجدها
عز الله من اول مع الناس جبار =واليوم جا فالنفس شي ن قردها

.................................................. ................................................

ماظنتي هانت ولا ظني اتهون=هاك الليالي انكان ماخاب ظني
يوم احسبن اللي دخل قلبي اجنون=واثر اللذي فالقلب ماهوب جني
اثرك ليا باعدتني صرت مجنون=واصحى ليا قربت كل يوم مني
شفت النظر منك انت ماهوب فعيون=ومالي نظر وعيون لاغبت عني

.................................................. ..........................................

وهذه القصيده كتبت في شخص عزيز وغالي


وهي في حفيد الشيخ والفارس المعروف والغني عن التعريف

مقعد الدهينه



وهو النقيب سعود ابن فرحان ابن مقعد الدهينه




وقد وقف معي وقفت ابن العم في ديار الغربه



وقلت فيه

ياسعود ياراع الطبوع الجميله=دربك خضر ماقد وطابه ولد لاش
شفنا معاريفك سوات المسيله= واطلقتهن مثل التماتيك رشاش
يومني شفت الدرب مافيه حيله=وبعض العرب عني يتغاضى وينحاش
مثل المطر لاجاك ثم سال سيله= هذاك ابن فرحان لاقلتها كاش
انشهدان سعود يسوى قبيله=في جوه الراكد و فالوقت لا طاش

.................................................. ................................................

[محب الهيلا]

ماشاء الله عليك واثرك شاعر وماندري عنك

صح لسانك ويعطيك الف عافية

مشكور والى الأمام

[خلف العتيبي]

إذا كانت هذه بدايتك فأنشهد أن لك مستقبل بإذن الله..


قصيدتك على بعضها أعجبتني.. ولكن أبتعد عن قصائد الغزل.. وحاول تطوير نفسك بكثرة الإطلاع..





الله يوفقك لكل خير..

[ابن البجاديه]

حبيب محبين الهيلا



شكرا لك على كل حرف انكتب بسمك



وعلى كل رد جاني منك


تصدق عاد



والله اني اعتبرك المحفز الاول ولا يهون غيرك من كوكبة منتدانا




ولكن لكل مجتهد ن نصيب وانشهدانك مالي المنتدى ذوووووق




ماهو عشان مجاملات بالعكس عشان حبك للمنتدى وتواجدك الدائم



فلك مني جزيل الشكر



وتراك طيرتني فالعجه

[ابن البجاديه]

اوووووووه



اكتمل التحفيز بتواجد خلف ...



اشكرك يابن العم




وهذي شهاده اعتز وافتخر فيها


قسم بالله




ولكن اذا حصل مني قصور فارجو المعذره



والغزل انشاء الله عفيف


ولك مني ياخلف كل التقدير

[أبو نجر النفيعي]

..

الله الله عليك يابن البجاديه ..

صح لسااانك .. قصائد رائعه جداً وجزله ,,

وسلملي على اهل البجاديه

.

أخوك

التوقيع

.....

[ابن البجاديه]

تسلم يابو نجر


واسعدني مرورك يالغالي

[عبدالمجيد النفيعي]

صح لسانك مبدع يابن البجاديه ولاتحرمنا من ابداعتاك

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[ابن البجاديه]

صح بدنك

ياعبدالمجيد

واشكرك يالغالي

[فيصل المسعودي]

ماشاءالله ابن البجادية

نتمنى لك مستقبل شعري متقدم ورائع

بيوت عذبة يالغالي وإلى الأمام

واعذرني تطفلت وقمت بتنسيق القصائد يالغالي

تحياتي