ياللي تهرجني .....؟

[نشاط الزلامي]

ياللي تهرجني وانا عنك مشغول = مالي بكثر الهرج يابن الحلالي
الفكر من كثر التفاكير مذهول = لاتحسبن الوقت مثلك صفالي
اصول في بحر الهواجيس واجول = وانته خلي القلب مرتاح بالي
فكيت لي باب عن الهرج مقفول = ماقبلك اللي فيه حصل مجالي
لكن تدري..يا ابيض الوجه ابا قول = واصبر علي وخل صدرك شمالي
واسمع كلام صادق فيه معقول =ومنقده قبل انتقاد الرجالي
بعض السوالف تاخذ ايام وتزول = ولابعضها ما يعرف الزوالي
تبقى على طول الزمن عمرها ايطول = لاطال عمر اللي عليها يلالي
شخص قليل احسان والهرج معسول = قلبه خبيث ومنطق الهرج حالي
اليا هرج ما كن غيره حضر زول = ولاله حلي فالاوادم يحالي
وهو الذي لن قيل مخيول..مخيول = ماسد لازم كود لأم العيالي
بينه وبين المرجله خبثه ايحول = ومن الرداء ترده جميع الحبالي
وعلى علوم الطيب ماهوب محمول = والطيب ياهل الطيب عسر المنالي
ماكل رجال حمى فعله القول = ولا كل رجال يشيل الثقالي
الا قوي اعزوم ويقول ويطول = يرسي كما ترسي رواسي الجبالي
هذاك ابو جميل ماهوب مجهول = مضرب مثل للطيب فأول وتالي

[هيض القصيد]

ياللي تهرجني وانا عنـك مشغـول
مالي بكثر الهـرج يابـن الحلالـي

الله لا يشغلنا الا في طاعته صح لسانك نشاط عساك علي القوه مبدع

[نشاط الزلامي]

هيض القصيد
صح بدنك
وشكرا على المرور

[مرزوق حمدان العتيبي]

وهو الذي لن قيل مخيول..مخيـول
ماسـد لازم كــود لأم العيـالـي
بينه وبين المرجلـه خبثـه ايحـول
ومن الرداء تـرده جميـع الحبالـي
...
الله عليك يابو فهد ....
صح لسانك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نشاط الزلامي]

شاعرنا الكبير ومشرفنا الفاضل ابو محمد
...
صح بدنك
...
ومرورك يشرفني
...
لك اطيب تحياتي

[علي فلاح العضياني]

وهو الذي لن قيل مخيول..مخيـول
ماسـد لازم كــود لأم العيـالـي
بينه وبين المرجلـه خبثـه ايحـول
ومن الرداء تـرده جميـع الحبالـي


وهو الذي لن قيل مخيول..مخيـول
ماسـد لازم كــود لأم العيـالـي
بينه وبين المرجلـه خبثـه ايحـول
ومن الرداء تـرده جميـع الحبالـي




صح لسانك يا نشاط الزمي وبيض الله وجهك على هالقصيده

التوقيع

(( رأس الحكمه مخافة الله ))

[نشاط الزلامي]

علي العضياني
..
..
صح بدنك
..
..
واشكرك على المرور

[أبو فيصل الدلبحي]

الشاعر : نشاط الزلامي صح لسانك قصيده وافيه من وافي














تقبل تحياتي

[أبو نجر النفيعي]

الله الله يا نشاط ..

قصيده في قمة الروعه .. صح لسانك واعتلا شانك .. وفي انتظار ما تقدمه من جديد ..



أخوك

التوقيع

.....

[فيصل المسعودي]

بينه وبين المرجلـه خبثـه ايحـول
ومن الرداء تـرده جميـع الحبالـي

صح لسانك يالزلامي

في إنتظار جديدك بكل شوق

تحياتي

أخوك

فيصل النفيعي