هذه شيلة جديدة لبندر المحيا

[نواف العصيمي]

هذه شيلة جديدة لبندر المحيا













للحفظ



http://www.upmyfile.com/users_dir/ww...m/upmyfile.mp3














وهذه القصيدة مكتوبة

الهجوس البارحه كانت بخيلـه =ابخل مْن الهم فـي بـال المدّلـه!
والا وادِ الشعر دوبه سال سيله =قبل ما غيمه علـى روحـي يهلـه
والقصيد لشاعرٍ حزنه حصيله =كان غيّب علـة ٍ مـن فـوق علـه
والهزيل من القصايد والجزيله =ماتمل مـن الغـزل دقـه وجلـه!
وكم قصيد ٍ فالدجـا شـب الفتيلـه =وكم قصيد ٍ مظلـم ٍ مافيـه اهلّـه!
والقصيد يقـارب اليـاس وعويلـه =والا بعض احيان يفرحني مااملـه
كل ماهبت علـى ضلـوع ٍ نحيلـه =قلت ذرّاني وانـا دايـم ذرن الـه!
والغريب اللي مشى سكـة طويلـه =ماقدر يبـرد مـن الابيـات غلـه
من هذاك اليوم صمته هـد حيلـه =وكل ساعه يْعقـد الحبـل ويحلـه
وش بدالي من غـلاك وسلسبيلـه =وش خذيت القلب يسأل وانت قلـه!
قله احبك .. تـرى ماهـي قليلـه =هـاذي الكلمـه تبـدد كـل خِلـه
وانت تشبه بعض الاشيا المستحيله =وبعض مااتحقق من الآشيا المملـه
وانت ماتسوى وطن تسـوى قبيلـه =ميـر حـل اللغـز والا لا تحلـه
وعطرك اللي فاح بالـي يرتخيلـه =مثل ضحكه بارده في فـمّ موّلـه !
الشمالـي لـو عقالـه فـي ميلـه =ولوّ خفوقه بيد ..عطـرك يستحلـه
عاد والوصف الندي كيف استخيلـه =فيك والاعنك ..تدري!..هاه؟..خله!
القمر مايشبهـك فـي كـل ليلـه =ليه اجل ماينـزل وتجلـس محلـه!
الفجْـر لاسيّلـت ورْقْـه هديـلـه =ايتنفس بك "نـدى" ويجـف "طلـه"
كم تبرى الورد من حضن الخميلـه =وارتمى في يديك يشمومـه وفلـه
وانت عينك موت عاجز لاانحنيلـه =حتى رمشك سيف ..لكـن لاتسلـه!
كل ليله شفت وجهك.. بالف ليلـه =وكل حاجـه فيـك دولـه مستقلـه
وصوتك اللي يطعن الصمت ويطيله =واصل حد الغمـوض ولا وصلـه!
وقاتل ٍ يمشي ورى جنـازة قتيلـه =وساحر ٍ ويّتـوه السمـع ويدلـه!
=* * *
واتذكـر والدمـوع آخـر وسيلـه =كنت مقفي كن فـي مشيتـك ذِلـه
في عيونك شفت لي بسمـه قتيلـه =ناوي تواسي .. وزدت الطين بلـه!
ودعك وجهي وكان الشوف "زيلـه" =ولااذكر من الزول زولك غير ظله!
اقفت احلامي معك..ياهي جميلـه =واقبلت سود العذابـات وعلـى الله
والزمـن متنيّـل بستـيـن نيـلـه =والغرام اصبح بلامذهـب وملـه!!
والهوى حكمه كـذا مافيـه حيلـه =يصرد عظامك وقلبك تحـت ملـه
كم حبيـب يغيـب مانلقـى بديلـه =وكم حبيب يفطن لمن لا فطن لـه!
وكل من يعبر ماهوْ عابـر سبيلـه =وكل من يرجع ماهوْ راجع لدلـه!
ذاك غـاب وضيـع بدربـه دليلـه =وذاك راجع مالقى حتى وطن لـه
وهذا قاسي مامسح دمعـة خليلـه =وهذا عوّد يحتضن ويبـوس خلـه
اذكر اني قلـت : حبـك مايزيلـه =شي من "غيبه", "ندم" .. حبك جبّله
ونصف قلبي في يديني جيت اشيله =ليه نصف القلب؟..هاك القلب كلـه
وانت مااخذتـه وفرقانـا طويلـه =وان رجعت وجيت لك وآنا موّلـه:
لو تمـد يديـك لضلـوع ٍ نحيلـه =مالقيت القلب ينبض فـي محلـه!

منقول

التوقيع

[عمر الراوي]

×××
××
×


جميلـِ جميلـِ ...

ماشالله صوتـِ جميلـِ وكلماتـِ جميلهـِ ..

نوافـِ تحياتيـِ لكـِ ...


×
××
×××




-----------
عمر الراوي

[بـرق الـذيب]

ماشاء الله تبارك الرحمن

[عبدالله الجـــذع]

الله اكبر..

ماشاء الله عليه .

قصيده ولااروع كما عودنا ابو محياا..

مشكور حبيبي نواف..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد التمـيمي]

صح لسان الشاعر


وسلمت يمين الناقل


شيلة رائعة من شخص رائع



بيض الله وجهك وننتظر المزيد له

[الاحنف بن قيس التميمي]

شاعر خلوق و مميز و صاحب صوت و شاعرية



و تعجبني فيه حميته لبني عمه ... إعرف انه رجل







الله يوفقه

[نواف العصيمي]

يعطيكم العافيه على المرور

[/عبد العزيز الجذع/]

صح لسانه...
مشكور اخوي نواف..

[محمد فيحان العصيمي]

ما شا الله مشكور يا نواف
و صح لسان بندر

[نواف العصيمي]

لبى قلب الي مره من هنا

.. مافي مثلك على الدنيا وصيف