من محاورات المغترة 15 لهذا العام 1429هـ بين السلاطين المنصوري والهاجري ابداع بمعنى الكلمة واعجاب من الشاعر الكبير سلطان الهاجري بالشاعر الشاب سلطان المنصوري وشهادة له بأنه خليفة مطلق كما شهد له مستور والسواط ..
سلطان المنصوري=
سلام يا امير الجنوب الي عسى عمرك طويل = جعلك ذخر للمنطقة والملعبة وصفوفها
ياليتني في ابها البهية كل يوم وكل ليل = من شان يا فيصل فعولك كل يوم نشوفها
سلطان الهاجري=
يا مرحبا بك بالنيابة عن مزبنت الدخيل = انت كتبت رسالتك وانا قريت حروفها
ما مات مطلق ياطويل العمر حصلنا بديل = واهل العلوم الطيبة ما ينجحد معروفها
سلطان المنصوري=
يالهاجري بعد اجتمعنا داخل البيت ظليل = عندي رسايل واجدة ومظرفة بظروفها
ترا البحر ساسه بحر ما ينتغطى بالنثيل = والي ركب في شدادها ما يلتفت لردوفها
سلطان الهاجري=
اسمك كذا واسمي كذا والفرق في الوزن الثقيل = والمرجلة يا صاحبي كل السباع تحوفها
انا اعرفك فارس لكن الملعبة ميدان الخيل = ماهي كما شارة مرور تمرها وتطوفها
سلطان المنصوري=
اسمي كذا واسمك كذا وشعيل حمله لا يميل = كفي طويل مع الرجال الي طوال كفوفها
ماجيتك الا محتزم بالرمح والسيف الصقيل = ماهمني بعض الرجال الي تحد سيوفها
سلطان الهاجري=
لبستك حزامٍ مالبسته جبان ولا ذليل = مار الجمال مبركة والحمل فوق كتوفها
الليل هذا يا وسيع العرف ماهو بأي ليل = مالك شغل في حاذف العالم ولا محذوفها
سلطان المنصوري=
البرق يبرق في السماء والسيل مع بطن المسيل = والسيل مايرحم مطانيخ العرب وضعوفها
عزالله انا ما نمد القوم بالكف البخيل = دام البضايع فاهمينٍ قطنها من صوفها
سلطان الهاجري=
وانا على شانك قدحت الزند في خشم الفتيل = والي تخاف من السيول الله لا يمّن خوفها
اتمنى ان تنال على اعجابكم وان اكون وفقت في كتابتها .. 
« آخـــر الـــمـــشـــاركــــات »
17-Aug-2008, 11:21 PM
ما مات مطلق ياطويل العمر حصلنا بديل {> الهاجري و المنصوري <} جديد المغترة
العرض الشجري