مغاتير عبود العصيمي ....؟

[حمدان العصيمي]

أخواني وأعضاء زوار منتدى الهيلا السلام عليكم ورحمة الله وبركاته .

هذه قصيده في الشيخ / عبود العصيمي وفي إبله . لعلها تنال إعجابكم

.


]

يالله يامعبود ياصاحب الجود = يامبتدى الشكوى ويامنتهاها
نطلبك من خزاينك برق ورعود = في مزنةٍ غرّى حضنها سماها
وسميّةٍ من غبّها يخضر العود = براّقها يسبق رعدها وماها
تسقي الديار اللي نزلها هل الذود = حبّوا منازلها ونفحة هواها
يازين ممشاها ليا هبت النود = يجذبك خنّتها وريحة ثراها
تقول منثورٍ بها أزهار وورود = والاّ من الزل الايراني غطاها
نبى الوناسه مع مغاتير عبود = اللي ليا طوّح بصوته شعاها
تجي على صوته من البعد عرجود = ماردّها الراعي وجاء من وراها
وضح البكار اللي لها القلب مشدود = كدّس جهوده دونها واحتماها
حي الحجاج اللي لمن جاه مفرود = وحي اليمين اللي يدسّم عطاها
ماحط جواله على خط موجود = له فزعةٍ من شان وقته لقاها
ركنه حجا يذري وماضيه مشهود = راع البيوت اللي يذري ذراها
فيها الشحم والهيل والبن والعود =على المعزه والكرامه بناها
قلته وانا مالي من المال مقصود = أمدح رفيقي وافتخر واتباها
رفيقي الطيّب بالامداح معهود = تزهاه من بين الرجال وزهاها
هذي شهادة حق ماتبغي شهود = أطرف عتيبيٍّ يصدّق علاها

آخر تعديل حمدان العصيمي يوم 30-Oct-2008 في 12:42 PM.

[السميــــــري]

أطـرف عتيبـيٍّ يصـدّق علاهـا

نعم نعم ..

قصيدة وافية فيمن يستحقها ..
صح لسانك ياحزام ..
قصيدة لا يوفي الثناء حقها ..


مبدع .. !

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عبدالله الجـــذع]

الشاعر الكبير حمدان العصيمي

او خليفه الهرم مستور

صح لسانك مدد على هذه اللتي اتت في وقتها
مع الامطار وبدايه موسم باذن الله ربيعي

بحر وعملاق وربك الله

ماشاء الله عليك


سجل اعجابي

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ماجد المحياني]

صح لسانك ياحمدان العصيمي


شاعر كبير في النظم والمحاوره



ننتظرك في المحاورات بشغف



اتمنى لك التوفيق

[مرزوق حمدان العتيبي]

رفيقي الطيّـب بالامـداح معهـود
تزهاه من بين الرجـال وزهاهـا
هذي شهادة حق ماتبغـي شهـود
أطـرف عتيبـيٍّ يصـدّق علاهـا
..

صح لسانك ياشاعرنا المبدع على هالدره
واللي قيلت فيه يستاهل
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد النخيش]

الله الله صح لسانك ياحمدان مبدع كعادتك


في نظم وفي محاوره





قصيده جزله ولاتجيب الا الجزل






صح لسانك وسلم بنانك على هذه الرائعه


تحياتي

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[محمد العتيبي]

صح لسانك على هذه الرائعه ..

تقبل مروري

التوقيع

للتواصل عبر twitter تويتر al_bargawy@

[متعب العصيمي]

فيها الشحم والهيل والبن والعـود=علـى المعـزه والكرامـه بناهـا
قلته وانا مالي من المال مقصـود=أمـدح رفيقـي وافتخـر واتباهـا
رفيقي الطيّـب بالامـداح معهـود=تزهاه من بين الرجـال وزهاهـا
هذي شهادة حق ماتبغـي شهـود=أطـرف عتيبـيٍّ يصـدّق علاهـا

صح لسانك مدد بلا عدد ياحمدان


قصيدة وافيه

أعذب التحايا

[سنافي الهيلا]

كبير ياحمدان والكبير الله

صح السانك يابن عاصم

والطيب يستاهل المدح والثناء

سنافي الهيلا

[أبو نجر النفيعي]

..

الله الله يا حمدان ..

صح لسانك وعتلا شانك على هالجزله ..

وبيض الله وجهك ..



أخوك

التوقيع

.....