رد على قصيدة الشاعر \ بدر عتيق الحربي

[فايز بن سرحان الثبيتي]

بسم الله الرحمن الرحيم

يقول نبينا محمد صلى الله عليه وسلم ( الفتنة نائمة لعن الله من اوقضها)

كما يقول عليه افضل الصلاة والتسليم («أبدعوى الجاهلية وأنا بين أظهركم؟ دعوها فإنها منتنة»)

لازلنا نعيش تداعيات مابثته قناة الساحة المشؤمة من لقاء مع الشاعر كديميس العصيمي وذكره لاحدى القصائد التي قيلت في حقبة من الزمن وقت المساجلات التي كانت بين شعراء القبيلتين وكانت بين الطرفين وهي صفحة وطويت وانتهت بخيرها وشرها

ولكن القضية هي لماذا تعيد قناة الساحة (سويدة الوجه ) بث هذه القصائد واعادتها للاضواء من جديد


هذه قصيدة ردية على قصيدة الشاعر \ بدر عتيق الحربي التي كتبها في ديوانية الشعراء

اتمنى ان تنال استحسان الجميع ودمتم بخير

يامرحبا والله من الشر ياقاك = يالحربي اللي من رجال الحمايل
ياطيب حظك يافتى لا عدمناك = ابشر بعزك وانت راع الجمايل
ياحرب ياهل الطيب والطيب مجناك = قبيلة تزخر بطيب الشمايل
انتم وحنا اخوان ماضن يخفاك = ولا غيرتنا الفتنه ام الفتايل
ان كان جا فالناس واهم وشكاك = ماضنتي يلقى لعلمه دلايل
سحابة مرت و مناك مناك = ماهي سحابة خير بين المخايل
منها اسلمي يادارنا الله يحماك = منهج رسول الله حلو الخصايل
ياموقض التفنه وشيطانك اغواك = ملعون ياللي تدعي بالفضايل
حنا شبابه ياسود الوجه حذراك = انقولها لك عبر كل الوسايل
هذا كلام ياصلك وايتعداك= ياللي تشب النار وش انت طايل

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

آخر تعديل فايز بن سرحان الثبيتي يوم 02-Dec-2008 في 12:19 AM.

[بدر عتيق الحربي]

ابت سرحان لاعدمناك يالغالي ؟؟ورحم الله شيخ جابك ياكحيلان......

ولي عودة على هذه السمغونيه الراقيه ولاهي غريبه عليكم ياعتيبه الجزلات.....

صح لسانك مد بلاعدد

[بدر عتيق الحربي]

((يامرحبا_واهلين_اقلط وحياك))=هذي عوايدكم بكسب الفضايل
تاريخكم ناصع نقي مابه اشكاك=ماينكره ياكود ..... القوايل
يشهد على ماقول رجلٍ به ادراك=والسيف يشهد به وركض الاصايل
ولاهو غريبٍ ياابيض الوجه ممشاك=الحر مثلك كاسبٍ للنفايل
حلال حمال الثقيلات مرقاك=للمجد ساعي مارتضيت النثايل
افخر بك وتفخر عتيبه بشرواك=لو كان عرفي من دقايق قلايل
لكنّ منطوقك يوضح خفاياك=والعين دايم للثمينه تخايل
واخر حروفي شكر ينصى محياك=ياشاعرٍ شال البيوت الجزايل

[عبدالرحمن الهيلوم]

صحت السنتكم يالمبدعين

والله يوفقكم دنيا ودين

وحرب عتيبه
وعتيبه حرب

دمتم بود ي

[نايف الجازي]

ذكر الحيا والطيبين يبين

وانتم انشاء الله من الطيبين

ابن سرحان الثبيتي

بدر الحربي

صحة قلوبكم يالغالين

0

[مرزوق حمدان العتيبي]

..
.

ابن سرحان الثبيتي
وبدر الحربي
بيض الله وجيهكم وحنا اخوان اليوم ودوم وصفنا واحد
ولايمكن تغير فينا او تخلف مودتنا مثل هالصغاير ...
..
كل الشكر

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله بن طلال]

صح لسانك يابن سرحان

وصح لسانك يا بدر

وبيض الله وجيهكم ماقصرتوا

وعاشت شبابه

[ممدوح الروقي]

يعطيكم العافيه مبدعين بما تعنيه كلمت الابداع الحمدالله ان عقلنا اكثرمن جهلنا

[أبو مصلح 511]

والله كفوا يا عتيبه وكفوا يا حرب

[فايز بن سرحان الثبيتي]

المشاركة الأصلية كتبت بواسطة بدر عتيق الحربي

ابت سرحان لاعدمناك يالغالي ؟؟ورحم الله شيخ جابك ياكحيلان......

ولي عودة على هذه السمغونيه الراقيه ولاهي غريبه عليكم ياعتيبه الجزلات.....

صح لسانك مد بلاعدد

لا هنت يابدر ومرحبا فيك اليوم ودوم وفي ومتابعين طال عمرك

المشاركة الأصلية كتبت بواسطة بدر عتيق الحربي

((يامرحبا_واهلين_اقلط وحياك))=هذي عوايدكم بكسب الفضايل
تاريخكم ناصع نقي مابه اشكاك=ماينكره ياكود ..... القوايل
يشهد على ماقول رجلٍ به ادراك=والسيف يشهد به وركض الاصايل
ولاهو غريبٍ ياابيض الوجه ممشاك=الحر مثلك كاسبٍ للنفايل
حلال حمال الثقيلات مرقاك=للمجد ساعي مارتضيت النثايل
افخر بك وتفخر عتيبه بشرواك=لو كان عرفي من دقايق قلايل
لكنّ منطوقك يوضح خفاياك=والعين دايم للثمينه تخايل
واخر حروفي شكر ينصى محياك=ياشاعرٍ شال البيوت الجزايل

صح لسانك ياالوافي لا هنت مبدع وفقك الله مجاراة لا تقل روعة عن قصيدتك الاولى

دمت بخير وعافيه