قصيده لشاعر المتالق حشر بن متروك المقاطي

[رايد الهديبي]

السلام عليكم ورحمة الله وبركاته


بسم الله الرحمن الرحيم


اليوم جايب قصيده لشاعر الكبير /حشربن متروك المقاطي العتيبي


وهي مدح في(( قبيلة عتيبه)) وارجو ان تحوز علي رضاكم

راكب اللي يوم يلعـب علـى كبدالحمـاد = مثل صقر يوم يلعـب علـى كبدالهبـوب
من وكالة فـرت والكـل تصميـم البـلاد = مشترينـه ماحسبنـا لغالـب ومغـلـوب
لرتكـز بيـن المحاديـب وهـاج الفـواد = قلـت هاتولـي مفاتـيـح بــرَّاداللهوب
يآصل اللي نزلهم من ثلـوم طويـق غـاد = منه لا وادي الرمه وأستند واجنب جنـوب
لابـةٍ للـي يبـاهـم مداهلـهـم جــداد = والبيوت كبار والنـار للناصـي جـذوب
لابـةٍ يـاوي لابـه ليـا عـدا الـعـداد = لابةٍ تسعد بها العيـن عـن هـم الكـذوب
لابتي عتبـان مافيـه شـك ولا ارتـداد = لابتي هاله تهايل علـى نطـح الوجـوب
من فعايلهـم يفـادون فـي يـوم العنـاد = تفرح الفاطر بمركاض عطبين الضـروب
والفعـول الباقيـه مـال طيبهـا عــداد = وافـيٍ ميزانـا مـع موازيـن الشعـوب
يوم نجد من الجهل حـط راحـان وزبـاد = والتبس من غالي اللبس باجمل كـل ثـوب
وامتشط بين العشاشيق مـن كـاد ورشـاد = والقماري فـي قواريـه غنـة باللعـوب
وقحطان أجموع دونـه يشنـون الطـراد = والدواسر والمطاري وشمـر والحـروب
والبقوم اللـي ليـا ولـع الحـرب بكـداد = حضرة الغيَّاب منهم تسـد عـن الغيـوب
والسباعي مدلـه الجـار حمَّـاي السنـاد = عزوةٍ من ناوشه حربهـا يمكـن يتـوب
غير من لسميت في نجد من حضر وبـواد = كل قـومٍٍ حقهـا ماننقـص لـه وجـوب
ان حدر معهـم ضعنـا وأجدانـا الجهـاد = لين اخذنا قسمنا بين غاصـب ومغصـوب
قسمنا في نجـد مدهـال مقرعـة التـواد = قسمنـا يـوم القبايـل تداحـم بالجنـوب
امتلكنـا العقلـه اللـي نواعرهـا حيـاد = بين ضلعان البشاره وضلعـان الهضـوب
وامتلكنـا الأروسـه والهميجـه والبجـاد = والطويلـه والدفينـه وعبـاب وسحـوب
وامتلكنا في شمـال الهضـاب ام الجـراد = الرشاويـه وعرجـا وفاحـان الصبـوب
وامتلكنا بيـن طخفـه وسفـوه والطـراد = كم قليبٍ شوف هاذيـك ميـاح الغـروب
حدنـا منـا ومنـا نعـرفـه بالـوكـاد = من سواج ليا حبيـه وتشريـق وغـروب
شرقه العارض وغربه ورى الطايف قصاد = موطنٍ تورثـه الاجـداد للـي فالصلـوب
ندفع البل فالمرابيـع فـي هـاك الوهـاد = والمشارب نقضةالجزو باعيـن الجـذوب
والحـدود الهـا قطيـع معـزن بالمقـاد = والجنب معها على الخيل والحارب يلـوب
ترتع الوضحى ام الأدلال قوس ولا تـراد = وانحماها من مقانيـص طمَّـاع ولعـوب
لختلـط عـج السبايـا ولمـاع الهـنـاد = من يطب السوق معنـا نمنيـه الهـروب
لابتـي عتبـان مافيـه شـك ولاارتـداد = لابتي هايلاً تهايل علـى نطـح الوجـوب

[ابن صنهوت]

صح السان حشر شاعر مايبي شهاده
وسلمت يمينك يارايد

[بدر الكريزي]

حشر بن متروك .,



شاعر كبييير .,

صح لسانه .,

لا هنت يا رايد .,

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[رايد الهديبي]

يسعدني توصلكم

[أبونواف]

رائد الهديبي
لاهنت على النقل
صح لسان الشاعر حشر مترك

[رايد الهديبي]

ابو نواف الف شكر علي المرور

[الرومي]

هذا الشاعر سمعت لة قصيدة في قناة المرقاب بمناسبة زواج ابن الشاعر عبدالله بن عون الرويس واعجبتني جزالة معناة وحسن القاة . لم اتوانا في البحث في الشبكة العنكبوتية لعلي اجد لهذا الشاعر مايسد ذائقتي في الشعر فحطت بي ركاب البحث في منتدانا الكبير منتدى ((عتيبة الهيلا)) لاجد قصيدة عصماء للشاعر الكبير حشر بن متروك المقاطي العتيبي في قبيلة عتيبة الهيلا شاعر لم يخدمة الاعلام ولم يتملق امام الشاشات بل نحن من بحثنا عن قصيدة لان الشعر الجزل اصبح بمثابة العملة النادرة .


شاعر كبير لة مني كل تقدير ..ارفع قبعتي لة اجلال واحترام .

التوقيع

migeed33@hotmail.com

[سيف نت]

صح لساااااااااااااااااااااانه

[نواف الشيباني]

صح لساااااانه

حشر شاعر معروف

[فهيد مقعد الرويس]

صح لسان ابوسعود

نعرفه قبل الاعلام وانتشاره وبعد انتشاره لم يعثر على شاعر بحجم حشر بن متروك

وهو علم من اعلام الشعر في الخليج وهو اخو لشاعر العلم عبدالله بن عون

لاهنت يارايد على ايراد هذه الدره الفريده

تحيتي وتقديري

آخر تعديل فهيد مقعد الرويس يوم 19-Feb-2011 في 01:13 PM.