قصيدة عبد (ابن هذال) وماتلتها من احداث .!

[الفراتي]

قال مسعود عبد مشعان الهذال هذه القصيدة
بعد رحيل عمه الشيخ مشعان الهذال 1238هـ الى الشمال .
يتوجد عليه وعلى ربعه العمارات من عنزة .

أمس العصر عديت في راس ملموم=رجمٍ طويل بشامخ الحيد زامي
رجمٍ طويل بعالي الحيد مزموم=تلعب به الأرياح شرق وشامي
رجمٍ طويل ولايوكّر به البوم=غير العقاب الصيرمي والقطامي
قلبي عليل وصايبه غم واهموم=عزّي لحال اللي طواه الهيامي
غديت مثل اللي على الوجه ملطوم=من عقب مروين النمش بالزحامي
أبكي هلي ياناس ماني بمليوم=وأظن من يبكي هله مايلامي
ماهو على غروٍ من الدق ماشوم=على الشيوخ متيهين الجهامي
من طاوع الثنتين يصبر على اللوم=يصبر على فرقا الأهل والعمامي
عفت الرقاد وحاربت عيني النوم=وأبديت ماكنيت مانيب كامي
أقفوا وخلوني على الدار موسوم=وغديت مثل اللي غشاه الكتامي
على ركايا الرّس جلست ملزوم=عليه من ورد البوادي ركامي
وأحن من الوجلا حنين أم خرطوم=والصبح أجاوب نايحات الحمامي
علمي بهم بقصّير وقبله التوم=تغاروا المعبار والشط زامي
اقفوا كما طيرٍ قلب راسه الحوم=بهيّفيّة مايندرى وين حامي
أدنى منازلهم شثاثا ولملوم=وأقصى منازلهم دحيّ النعامي
وجيت المراح وذكّرن كل شخموم=منازل الخلان هم والعمامي
وهذا مشب النار والحفر مثلوم=ومركى الدلال المتعبات الشوامي
هذي مرابط خيلهم دايم الدوم=حقب العيون مروبعات الهوامي
يركب عليهن باللقا كل شغموم=من اللابة اللي ماوطو بالملامي
ياركب يامتّرحلينٍ على كوم=ياللي بكم عيرات الأنضى همامي
إلى لفيتوا ديرة أصحاب من قوم=احكوا ترى حمض الرجال العلامي
ودوا سلامي عد مافات من يوم=بكتاب مني للوجيه الكرامي
بسجلةٍ صفحه من الحبر مرشوم=يم العمام أنهيت غاية كلامي
تلفون عمي للمناعير زيزوم=(مشعان) ستر معورجات الوشامـي
ياعم يامدب هل الكبر والزوم=يامروي حدود النمش والحسامي
تتليك بالممشى جهامة وداهوم=أولاد وايل كالجراد التهامي
إلى صاح صياح من أعداه مضيوم=وردو حياض الموت ورد الظوامي
كيف الظعون بداركم كنها أغيوم=وأنتم تروون النمش بالزحامي
وادي الرمه غدابه العشب كيهوم=ترعى به القطعان والرمي حامي
تنحاهم الصفراء على حزم ديهوم=لياما تعدوا قود خب العدامي

ويقال ان مشعان ازعله البيت الذي قال فيه :

اقفوا كما طير قلب راسه الحوم=بهيفية مايندرى وين حامي

وقال نحن جهامه لنا افعال ترهب ومشهورة لسنا خفيفين ولاخفيين ..
وماجد بن عريعر حاكم الاحساء ايضا ارسل له مرسول
بأن يعود الى نجد لإن ديار عنزة أخذتها حرب ومطير ..

فرجع الى نجد سنة 1239هـ .. وحارب مجموعة من القبائل
وقال قصيدته "الشيخة" المعروفه الذي منها :

يالله يامدير الهبايب والادوار=شانك عسى تصريف شانك لنا خير
يالله ياعالم خفيّات الاسرار=يامعتني بالخلق والي المقادير
قلته ونوم العين عن جفنها طار=والقلب كنّه فوق حامي المجامير
جانا الخبر يالابتي ولْية الدار=سكانها الاجناب هم والبقاقير
من عقب ماكنّا بها مثل الاسوار=نامر وننهى نحمي الجار ونجير
ومن عقب ماكنّا بنجد كما الطار=نقطع بها شرٍ وناصل بها خر
حامينها في لابةٍ تسقي الامرار=عدوهم شاف النكد والمخاسير

الى ان قال :

لياما نخونا اللي على نجد حضّار= وجانا كتابٍ من زبون المقاصير
من ماجد إبن عريعرٍ حر الاوكار= يقول ولْيت داركم يالمناعير
الشيخ اللي حيّف على البيض بالغار=يقول حل بداركم (حرب ومطير)
وجيناه مثل السيل طمّام الاوعار=لياما غدت عنها البوادي شعاثير

وفي رجوعه لنجد .. هزم الظفير بمورد (الدجاني) بالدهناء هزيمة قويه
والذي قتل فيها من الظفير من اسره (ابا ذراع) شيوخ الصمده
وقتل مبيريك بن مهنا العفيصان من فرسان الصمده من الظفير
وأخذ حلال فخذي "المحمره والمسامير" من الظفير
حينما قال في قصيدته "الشيخه" .

واركن على ورد الدجاني لهب نار=غدو بها الويلان مثل المداوير
و(أبا ذراع) أصبح مقيمٍ على الدار=وشالن حلال المحمّرة والمسامير
كسيرةٍ ماقد صارت بالاذكار=فيها القلايع مثل روس الخنازير

وهزم مطير ايضا في مورد الثمامي بالصمان / ويوضح انهم اغاروا
على قبيلة مطير كالأعاصير السريعة في هجمات خاطفة .. حينما قال "بالشيخه" .

وشدن وحطن الثمامي بالايسار=وخلن على المطران مثل المعاصير
باغي عليهم صايرن مثل ماصار=ذبح الشفايا واغتنام الخواوير

ونصى حرب في جهة غرب القصيم . ولكنهم زبنوا الحرة . وهنا يذكّر
من قال ان مشعان هاجر بسبب ضغط القبائل

وين انت يلي تايههٍ منك الابصار=جيناك حوله من شثاثا وابا القيـر
صحنا عليهم صيحةٍ باللقاء الحار=حتى جبرناهم عن الدار تجبير
هج الحريبي مالقيناه بالدار=زبن على الحرّه وذيك الشناخير

ويوضح ايضا عن هجرته قائلا في قصيدته "الشيخه" :

لولا شفاتي فيك يانجد ماحتار=فكري ولاكثرت علي التفاكير
ولولا شفاتي فيك ماجيت مرّار=نادى نذيرات الهواجيس وندير
وندير قالات صعيبات واعسار=وأرجي من الباري عساها مسافير
نجد جفتنا وكل دارٍ لنا دار=ماهي معافه مير جوع ومداهير

الى آخرهـا ..
وحصلت بعد وصوله وقعة (ابانات) في آخر سنة 1239هـ
مع مطير بقيادة فيصل الدويش
وانتصرت عنزة . وانشد مشعان قائلا :

الله يا يوم جرى عند ابانات=تشهد عليه محيّوة والزباير
منهم خذينا ذودهم بالملاقاة=وعوّضتهم عقب البيوت الحظاير
شرهوا على مرتع بكار العمارات=وش عذرنا من دون شقح العشاير
من دمهم نروي السيوف الرهيفات=يوم صالت الخيلين والعج ثاير

وفي سنة 1240هـ . حصل مناخ الشماسيه .
بين عنزة ضد مطير ومعهم حرب وعساكر الترك ..
وتوفي بها مشعان الهذال رحمه الله قتله واحدٌ من الترك .. رغم انتصار عنزة .
حينما قال ابن بشر في كتابه [عنوان المجد] ص31 ج2 :
((ثم رحل الى الشماسيه المعروفه في ادنى القصيم(يقصد مشعان) فسار إليه
فيصل الدويش ومعه كثير من بريه والجبلان وغيرهم ،ومعهم مغاربة من العسكر
وابن مضيان من حرب ، فوقع بين هؤلاء وبين مشعان وعربانه [من قبائل عنزة]
قتال وطراد خيل ، فقتل مشعان في مجاوله الخيل قتله فارس من عسكر الترك وذلك
بعدما انهزم الدويش واتباعه وقتل من اتباع الدويش سعدون بن فراج وعدة
قتلى من الفريقين وأخذ [قبائل] عنزة من اتباع الدويش ركائب وأمتعه كثيره))

رحم الله الشيخ مشعان ابن مغيلث ابن هذال .

هذا مااحببت ان اضعه
من قصيدة العبد 1238هـ
حتى وفاة مشعان 1240هـ بالشماسيه .

تحياتي

[أبو مصلح 511]

الله الله



ابيات رجوليه



مشكور على المجهود الكبير



موضوع رائع 100% وقصه اروع





تحياتي وتقبل مروري

[وائلي]

اذا اردت سرد معارك تاريخيه

فلك ذلك في قسم المعارك

المشرف

[أبونواف]

الفراتي
بيض الله وجهك أخوي على النقل ومليون نعم بعنزه ولكن أنا سمعت أن القصيدة التي سميت بالشيخه أنها لشاعر شمري هل فيه قصيده ثانيه نفس الاسم ليت الاخوان يفيدونني .
تقبل مروري وتحتي .

[رايد الهديبي]

الله الله

بيوت رااااايعه

وبيض الله وجهك علي النقل الموفق

[الفراتي]

المشاركة الأصلية كتبت بواسطة أبو مصلح 511

الله الله



ابيات رجوليه



مشكور على المجهود الكبير



موضوع رائع 100% وقصه اروع





تحياتي وتقبل مروري

ابو مصلح

شكرا لمرورك ولاهنت

تقبل شكري

[الفراتي]

وائلي

شكرا لاضافتك

تقبل تحياتي

[الفراتي]

المشاركة الأصلية كتبت بواسطة أبونواف

الفراتي
بيض الله وجهك أخوي على النقل ومليون نعم بعنزه ولكن أنا سمعت أن القصيدة التي سميت بالشيخه أنها لشاعر شمري هل فيه قصيده ثانيه نفس الاسم ليت الاخوان يفيدونني .
تقبل مروري وتحتي .

ياهلا بأبو نواف ومرحبا بك يالغالي ..

قبيلة عنزة : عندهم 3 قصائد يسمونهن الشيخات :
1-قصيدة مشعان الهذال: لان فيها من الافتخار والمرجله الشي الكثير.
2-قصيدة مقحم الصقري: لانها تتكلم عن صفات عنزة وعن الجار عموم.
3-قصيدة محمد الدسم: لان كلها نصح وارشاد . واسندها لاخوه.

قبيلة شمر : عندهم شيخة وحده :
1-قصيدة عدوان الهربيد: لانه ذكر فيها 40 شيخ من عموم القبايل.
ولم يذكر الا الشيخ اللي انطبقت عليه اربع صفات .
(شيخ ، فارس ، شاعر ، كريم) ..

قبيلة عتيبه : عندهم شيخة بديوي الوقداني . وهي للامانه من افضل
ماسمعت من القصائد وهي تحمل من الحكم الشي الكثير .

فهذه ابيات من قصيدة مشعان الهذال "الشيخه" ..

ودمت يالغالي

[أخو جوزا]

ونعم باأولاد وائل


ولاهنت ياالفراتى

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[أبونواف]

المشاركة الأصلية كتبت بواسطة الفراتي

ياهلا بأبو نواف ومرحبا بك يالغالي ..

قبيلة عنزة : عندهم 3 قصائد يسمونهن الشيخات :
1-قصيدة مشعان الهذال: لان فيها من الافتخار والمرجله الشي الكثير.
2-قصيدة مقحم الصقري: لانها تتكلم عن صفات عنزة وعن الجار عموم.
3-قصيدة محمد الدسم: لان كلها نصح وارشاد . واسندها لاخوه.

قبيلة شمر : عندهم شيخة وحده :
1-قصيدة عدوان الهربيد: لانه ذكر فيها 40 شيخ من عموم القبايل.
ولم يذكر الا الشيخ اللي انطبقت عليه اربع صفات .
(شيخ ، فارس ، شاعر ، كريم) ..

قبيلة عتيبه : عندهم شيخة بديوي الوقداني . وهي للامانه من افضل
ماسمعت من القصائد وهي تحمل من الحكم الشي الكثير .

فهذه ابيات من قصيدة مشعان الهذال "الشيخه" ..

ودمت يالغالي

الفراتي
يعطيك ألف ألف عافيه على التوضيح وتقبل تحياتي وتقديري لك .