اقسى من الفولاذ

[محمد بن هلال الرويس]

اليكم بعد السلام عليكم هذه الابيات لتواصل عسى ان تجد شي من الاستحسان

ياناشدٍ عني تبي عرف ساسي=اصلي سعودي والقبيله عتيبه
ارويس والروسان ربعي وناسي=راياتهم بيضٍ بعال الجذيبه
قبيلةٍ هي والقبايل سواسي =كلن من الذربات حصل نصيبه
قبايلِ مثل الجبال الرواسي= في دولةٍ الها معزه وهيبه
حكامها ال سعود قوة وباسي=ضد المعادي دون شكٍ وريبه
ذخر الوطن ومواطنه تاج راسي=عوني الياكبرت علي المصيبه
وقلبي رياض العز وقت الماسي=وعيوني الثنتين مكه وطيبه
ثنتين في صدري كما عقد ماسي=ماداسهن راع الصليب بصليبه
يرجع قبل ياصلهن وهوخاسي=مثل ابرهه يوم الطيور اتعثيبه
الله عليه اكبر وقدمه قواسي=اقسى من الفولاذ قسوة عتيبه
وان كان عندك شك والأ إلتباسي=ارجع على التاريخ ينبيك اديبه
وختامها الصلاه مانيب ناسي=على رسول الله محمد حبيبه