 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
04-Jun-2009, 05:37 PM
|
رقم المشاركة : 1 | |||||
|
شاعر كبير في منتدى الهيلا
قبل ايام جلست مع احد شعراء المحاوره المعروفين في الساحه ويعتبر من الجيل الوسط وكنت اتكلم معاه في موضوع الشعر والشعراء
في الساحه وفي النت وبحكم الصداقه والميانه بينا اعترفلي صراحه انه يملك معرف في منتدى الهيلا تحت اسم مستعار وفي كذا منتدى بحثت على معرف الشاعر وكانت عدد مشاركاته قليله تدور في فلك ال 300 مشاركة دخوله من فترات وحسب الوقت والرغبه ,, كنت اتوقع ان محاوراته على رغم قلتها تكون مميزه وملفته للانظار بحكم خبرته الطويله وبحكم الكم الهائل من المحاورات التي أجراها مع اعلام في شعر المحاوره مثل مطلق الثبيتي وصياف ومستور ورشيد وابو مشعاب وحبيب وملفي وغيرهم كثير وكثير لما قريت محاوراته بعضها مع شعراء معروفين في المنتدى وبعضها مع شعراء عادين وبعضهم من شعراء حديثين التسجيل في المنتدى كان يلعب مع اي شخص ,, كنت اتوقع انها بتكون مميزه فعلا لكن الي شفته مختلف تماما ,,( بستثناء بعض الاشياء الي بذكرها لاحقا ) بعض محاورته الشاعر المقابل مايكمٌلها يتجاهله يمكن يعتقد انه مبتدي او يمكن لانه مو فاهم عليه يتجاهله وبعض محاورته الشخص المقابل يتهجم عليه واغلب ابيات خصمه بما معناها انت ماعندك سالفه ومن هذا الكلام وبعض محاوراته الشاعر المقابل يواصل معاه الي نهاية القاف ولكن المحاوره مجرد وزن وقافيه محد فاهم الثاني حتى تعليق الزوار على هذي المحاورات كان قليل إحيان تنتهي المحاوره ماكملت صفحه وحده بنسحاب طرف او لقلة الردود لما سألت قلت يافلان مايسبب لك حرج او يأثر على معنوياتك ,, فالساحه لك جماهير عريضه ومعجبين كثير واشادات من اعلام الشعر يكفيك منها اشادة مطلق الثبيتي ولك ابيات كثيره يحفظونها الناس وهنا حتى الشاعر المبتدي مايكمل معاك المحاوره ضحك وقال لو الشعر بهذه الطريقه كان مافيه احد أستفاد من أحد طلما الجميع يعرف مفاتيح الشعر ويعرف ان 1+ 1 = 2 وقال فيه شعراء يعتقد انه اذا هزء خصمه وسبه وشتمه معناته انه شاعر كبير وفيه شعراء يعتقد انه اذا ضبط الوزن والقافيه واللحن انه شاعر كبير ,, واذا لعبت مع هذا النوع من الشعراء لو تعطيه اقوى الابيات في مفهوم المحاوره ماراح يعرف حجمها يعرف فقط الابيات الي تسبه وتشتمه فيها ,, وقالي في بدياته الشعريه كنت اقول لمطلق الثبيتي يابو فيصل احس اني غلبتك في هذا القاف قالي مطلق ببتسامه ذكرني بعد خمس سنوات علشان اناقش معاك هذي المحاوره ,, بعد ثلاث سنوات جمعتنا مناسبه في الجموم وقلت لمطلق صحيح الاستاذ يبقى استاذ واخذنا في الكلام واذكر كلمه قالها لي قال الشاعر المبتدي او الشاعر الي مايعرف يلعب المحاوره على اصولها سواء مبتدي او له خمسين سنه هذا الشاعر الوحيد الي يحس داخل نفسه انه مافيه احد يغلبه في الشعر مهما لعبت معاه ومهما قلت فأنت مثل الي ينفخ في قربه مشقوقه مافيه إنسان في عالم الشعر سواء شاعر او متذوق يعرف الفرق بين الشاعر الكبير والشاعر الصغير إلآ شاعر يعرف اصول شعر المحاوره وطريقة الخوض في المعنى بالرموز واسلوب الفتل واسلوب النقض ,, انتهى كلامه مع مطلق بعدين قالي صديقي شاعر المحاوره المعروف شوف محاورتي مع فلان وفلان في المنتدى (عندهم وسام النخبه) حصلتها محاروه من اجمل المحاورات والردود حدث ولا حرج والتفاعل كان ممتاز ,, وقالي مع العلم أني ما أعرف هذولا الاشخاص معرفه شخصية مع ذالك المحاوره معاهم كانت من اجمل المحاورات لانهم يعرفون يلعبون المحاوره صح ,, ولو غيرهم كان يمكن مايكمٌل المحاوره أو يبدا بالسب أو مدح نفسه وذم خصمه لان ماراح يعرف وش اقول انا ولا هو عارف يوصل افكاره بسلوب صحيح وتتشتت المحاوره كان مطلق اذا وصلت المحاوره الي هذي النقطه يكسر القاف لانه خلاص راح تكون باقي المحاوره كلام فاضي فيه شعار في المنتدى ابياتهم قوة في التركيب لكن البيت مو في الوقت الصحيح ولا في المكان الصحيح وفيه شعار عنده افكار ممتازه لكن مايعرف يوصلها صح ,, وهذولا اكيد مستقبلا بصيرون شعار لان هذي الاشياء مع الوقت تتطور اما الي مايتطور ابد هو الشاعر الذي مايعرف من الشعر غير مدح نفسه وذم خصمه هذا ماراح يفلح ابد النقاش طويل وذكرلي اسماء في المنتدى بعضم مالعب معاهم بس يعرف مستوى شعرهم من ابياتهم وخص بالذكر شاعر واحد (اتحفظ على اسمه) قال لي لو كان مطلق حي كان قلت هذا مطلق ,, قرينا محاوراته فكان بكل امانه يستاهل ويلعب فن المحاوره صح الموضوع القادم بحاول اتكلم عن فلسفة الفتل وعبقرية النقض ولسيت من آراي الشخصيه وانما من اصدقائي في الساحه الشعريه وآرائهم آخر تعديل مفكر يوم 04-Jun-2009 في 05:43 PM.
|
|||||
|
|
|
|
|
|
|
|
|
|
04-Jun-2009, 06:00 PM
|
رقم المشاركة : 2 | ||||||
|
اقتباس:
بارك الله فيك يامفكر , ومنتدى الهيلا يوجد به شعراء كبار يشاركون بأسمائهم الصريحة , مثل: 1- سفر الدغيلبي 2- سلطان المنصوري 3- صقر السلمي 4- عبدالعزيز العازمي 5- حمود السمي وغيرهم مما لاتحضرني اسمائهم الان. تحياتي |
||||||
|
|
|
|
|
|
|
|
|
|
|
04-Jun-2009, 08:02 PM
|
رقم المشاركة : 3 | |||||
|
اخوي مفكر لاهنت على هذا الموضوع الرااائع
وصاحبك هذا قال الحقيقة . واما من ناحية شعراء منتدى الهيلا انا اجزم ان هناك نخبه من الشعراء المتمكنين في هذا الفن وليس شاعر واحد ولوجاراهم شاعر كبير من شعراء الساحه المعروفين لصرف لهم شهادات نحاح وتميز وهذا حسب متابعتي لهم وحرصي على قراءة محاوراتهم ومحاوراتهم المباشره. وهذا وجهة نظري الشخصية التي قد تكون صائبه وقد لايحالفها الحض ومن الممكن لك متابعتهم والتاكد بنفسك.منهم الشعراء الآتية اسمائهم : الشاعر/ كبتن عتيبه الشاعر/ مرزوق العتيبي الشاعر/ سلطان الجذع الشاعر/ سعود العصيمي الشاعر/علي العضياني الشاعر/ علي الثبيتي الشاعر/بندر المرشدي الشاعر/فواز السعيدي الشاعر/ ناصرالجلاه الشاعر/ حاكم الغنامي الشاعر/ناصرالمرشدي وغيرهم شعراء لاتحضرني اسمائهم. |
|||||
|
|
|
|
|
|
|
|
|
|
|
04-Jun-2009, 08:18 PM
|
رقم المشاركة : 4 | |||||||
|
مفكر يعطيك العافية على هذا الموضوع
وماقال صاحبك هو عين الصوااب وشعراء الهيلا المتمكنين كثيرين سواء على الساحة او فالشبكه العنكبوتية، وقد يكون هناااك شعراء اكبرمن الكبار لكن لايعلم عنهم الاعلام وهم ماسعوا له.
|
|||||||
|
|
|
|
|
|
|
|
|
|
|
04-Jun-2009, 08:25 PM
|
رقم المشاركة : 5 | |||||
|
الدعوه سهله
الشاعر اللي نشدته انت هو محمد بن طمحي والشاعر اللي مدحه هو سلطان الجذع الاسطوره وسلامتك |
|||||
|
|
|
|
|
|
|
|
|
|
|
04-Jun-2009, 10:26 PM
|
رقم المشاركة : 6 | ||||||
|
اقتباس:
يارجال وسع صدرك ولا تصدق كل ماتسمع حضرني موقف اريد ذكره مره في احد المنتديات اعلان كبير الليله الشاعر الكبير سوف يلعب مع الشاعر الكبير واسماءهم وهم من الشعار الي صراحه يعتبرون كبار واثبتوا وجودهم وبحكم اني شاعر محاوره واعرف اكثر شعار المحاوره على النت كان معي شاعر على المسن شاعر منتديات وكنت اكلمه قال لاتشغلني عندي محاوره قلت المنتدى موقفين المحاورات الا محاورت الشاعرين الكبار قال انا العب على اني واحد منهم كذبته قال وش تبي وتصدق اني انا الي العب الان قلت اذا رد خصمك انا الي راح انقض ابيوته وانا الي ابرد واكتب ردي عشان اتاكد قال ماطلبت الا عزك فعلا ارسلت له الرد بالمسن وطلع ردي بسم الشاعر الكبير ههههههههههههههههههههههههههههههه بعدها ماصرت اصدق شي في عالم النت وارجوا من الاخوه عدم الانجراف والتشجيع لان هذا ضحك على دقون الرجال وهذا شي مو طيب |
||||||
|
|
|
|
|
|
|
|
|
|
|
04-Jun-2009, 10:41 PM
|
رقم المشاركة : 7 | ||||||
|
اقتباس:
والاسماء الي ذكرتها بدون شكل اعلام الشعر في المستقبل اذا ربي عطاهم عمر |
||||||
|
|
|
|
|
|
|
|
|
|
|
04-Jun-2009, 10:45 PM
|
رقم المشاركة : 8 | ||||||
|
اقتباس:
الاسماء الي ذكرتها بعضهم احسن من شعراء الساحه كلهم واختيار شخص مو معناته تهميش الباقين كلهم مثل سبائك الذهب |
||||||
|
|
|
|
|
|
|
|
|
|
|
04-Jun-2009, 11:02 PM
|
رقم المشاركة : 9 | ||||||
|
اقتباس:
وبدون شك انت من ظمنهم ولعب معاك هذا الشخص في هذا المنتدى وقريت محاورتكم وكان حافظ كثير من ابياتها والشعراء كثيرر بعضهم مايعرف النت ولا يلعب في الملاعب وهو شاعر بكل معنى الكلمه بالذات في الهيلا |
||||||
|
|
|
|
|
|
|
|
|
|
|
04-Jun-2009, 11:08 PM
|
رقم المشاركة : 10 | ||||||
|
اقتباس:
ماقدر اقولك ايه او لا الرجل مأمني ماجيب طاريه وبالنسبه لسلطان الجذع شاعر مايختلف عليه اثنين وشاعر مستقبله كبير واسطوره على اسمه لكن الشخص المقصود مو سلطان وأخيتيار شخص واحد مو معناته الباقين أقل مستوى بالعكس كلهم مبدعين ومستقبلهم كبير والشاعر مثل اي انسان يعجب بشخص واعجابه بشخص مو معناته تمهيش للباقين كلهم عمالقه وفيهم الخير والبركه |
||||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
