نايف

[سلطان نايف العضياني]

قصيده قلتها في ولدي نايف عندما تذكرته واشتقتله وأنا في الرياض وهو في ضواحي عفيف قلت هذه القصيده أرجو أن تنال إعجابكم..أقول

الله من قلبن تعلق بنايف=واهتز من بين الضلوع المغاليق
قلبن على نايف تكلف كلايف=هو غايتي من دون كل المخاليق
أصبحت أنا وياه مثل الولايف=وابدع على حبه جداد الطواريق
حفيد شيّال الحمول الصلايف=يذري ذراه اللي جراله عوازيق
عودن رقا بالطيب روس النوايف=عساه يسلم لي من الهم والضيق
إن دام لي ماني من الوقت خايف=ولا شيل من هم الزمن فالصناديق
لو كنت في دارن بها الهم حايف=ومغلقن قلبي من الهم تغليق
لاشك تحداني ضروف و وضايف=عن شوفكم ياهل الوجيه المطاليق
من بعدكم كني بجرفٍ مهايف=ويزورني همن على غير توفيق
لعل هجال السحاب الردايف=اللي يلحّق باأمر مولاه تلحيق
يسقي ديركم عقب ماهي تلايف=ويعلها سيل المزون الصواديق
وصلاة ربي عد مطّاف طايف=على نبين وثق الحق توثيق

سلطان نايف