معارك عتبيه مع البقوم

[منآور المورقي]

يـ اللّـه حي المـؤرخ .. كمـا قـال أخـوي سعـاط المجـنـن المعـارك مهي بكثيـرة واكثرها إن لم تكن كلها

مع ذوي عطيـه وخاصه الشلاويـح وكما نعلم ان ذوي عطيـه فرع من أفرع الروقـه ..

وخـذ ماعنـدي ي الذيـب ..

في أواخـر القـرن الثالـث عشـر أغـار قـوم من البقــوم على ذوي عطيـه وطـاردهـم

بخيـت العطـاوي(أخـو شليـويـح) حتـى إلتجـأو إلى أطـراف جبـل حضـن ..فقـال القصيـدة التاليـه..:

جونـا مع الفـاضـه بـراح بيـاضه..//..وإليـا ان ضر متنا ثيايا على البيـر

تواجهـن وجيهنـا عقـب غاضـه ..//..وتعاقبـن ايمـاننـا بـ المخاسيــر

وما هاضنـي رمح يشوق اختضـاضـه..//..نرميه لين ان الكعب يلحق الضير

ياخيلهم من عقب روجيـن راضـه..//..ورميـم ياطنـه مقـاف مناحيـر

ربي نصفنـي من بنـي عم عاضـه ..//.. بشلف نروي حـدهـا والمساميـر

........

ايضـاً لـ بخيت العطاوي ..

أغـار البقـوم وأخذو ذودا لجار بخيت .. نقـزان المغيـري (كلهم من ذوي عطيـه ) فأدركهم بخيـت لوحـدة ورد البـل وقـال..:

ياخيلنـا وإن شب للحـرب نـارة ..//.. فـلا يلاوٍي راسهـا كل ديقـان

راحـن من حـت التطـاريـف شـارة..//..وعـود بعـد مركاضنـا ذود نقـزان

حلفـت ماتقفـي بهـا قوم سـارة ..//.. ياكـود مانلـزم رمـاح بـ الإيمـان


...

ايضـاً لـ بخيت العطـاوٍي ..

ذات مـرة غـزا بخيـت البقـوم ومعـه جماعـه من الحفـاه يرأسهـم سايـر التـوم إلا أن حصـانه بليـد فأخذت إبنتـه

(قويلـه بنت سـاير التـوم ) يداً من الذبيحـه وأعطتهـا بخيت وأوصتـه على والدهـا. وخـلال المعـركه صار كل من

تـردى عن جـوادة غنمـه الأعـداء لأن السلاح سيـف ورمـح وقـد تردى حصـان سايـر التـوم وليس عنـدة من

جمـااعتـه إلا ابن الاصيقـع وقـد نجـا فرسـان عتيبـه بأنفسهم والغنـائم ولحق قطنـان البقمـي بسـاير وقـال : الجيـرة

ماتقطـع الدشـة .. إلا أن بخيـت أدرك سايـر وأنقـذه وأصـاب قطنـان وغنـم حصـانه .. وبعـد أن عالـج قطنـان حتى

شفـي أعطـاه حصـانه وقـال له وصلـه إلى سـارة الوزاعيـة هـديـه وفعـلاً وصلـه قطنـان وسلمـه لـ سـارة .. وقـال

6633FFيصـف المعركـه ..

ياقويلـه جينـا بمن يذبـح الكـوم ..//.. لو راح ماتنفـع سمـان العـذارا

ياقويلـه قطنـان حنـث على التـوم..//.. وإبن الاصيقـع خالفـه من يسـارا

فـك الخـوي حق عـلانـا وملـزوم ..//.. مــودعيـن فـك حـام الثبـارا

ياعنـك مايقضـي لك الحاجـه اليـوم ..//..مايقضـي الحـاجـات كـود الحـرارا

واللّـه يا لـو إن الخـوي غانـم الروم ..//..انه عشـاهـن عنـد خشم النـوارا

ابـوك نعـم فيـه مايلحقـه لـوم ..//..لاشـك غوجـة قـاصر بـ المغـارا

يا سـابقـي عرضـك بعيـد من اللـوم ..//..لاجـا نهـار مثـل هـاك النهـارا

تهـووووي كمـا يهـوي من الجـو صيـرووم ..//.. يبـا العشـا من نابيـات الفقـارا

المصـدر : ديـوان الشعر العامي بلهجة اهل نجد لإبي عبدالرحمـن العقيل..
وأيضـاً .. من آدابنـا الشعبيـه لـ منديـل الفهيـد .. وأيضـاً من شعـراء البـاديـه لـ عبداللّـه بن رداس ..

تحيـااتـي ..