إستفسار عن تاريخ بني سعد؟؟؟

[(مہودع دنہيأهہ)]

((الشيخ سند الحليس)) من شيوخ بني سعد القدماء





الفارس الشيخ/ سند الحليس شيخ قبيلة الحلسه من اولاد علي من الطفحه من برقا من عتيبه كان رحمه الله من خيار الرجال نزيه العرض، كريم النفس ،مفرطاً في الشجاعه ،مدافعاً عن قبيلته بلسانه وسلاحه وكان شاعرأ مفوهاً يعد في طبقة شيخ شعراء الحجاز بديوي الوقداني ولقد اكثر الشيخ سند من الشعر الجزل وكان اغلبه في وصف الابل والخيل وكذلك في وصف القهوة وله بعض الغزليات وله قصائد في قبيلته عتيبه وديارها وشيوخها ولكن اغلب شعره العذب فقد وقد توفي رحمه الله سنه 1328هـ وإليكم بعض من أشعاره التي حصلت عليها:

لومك علينا ان حل في الدار غيرنا ******** لو كــان حــددنا الديـــر بقبور

في هذا البيت يخاطب ديار قبيله عتيبه ان لها لوم عليهم ان سكنها غيرهم وان قبيلته عتيبه سوف تحمي ديارها ولو بالقبور (أي بالحرب)

القصيد الاولى:
قال الحليس اللي عطا مسلب الخلا **** من فوق حمرا للشداد صبور
يازيــن حرفتـــها وزين اوتلامـــها **** مثـــل ذخير بالفتيـــل يثــــور
حمدت اللي عطاني من القوم سربه**** بدو(ن) على عوص النضا وحضور
رضاي يرضيهم وغيضي يغيضـهم **** ليــــا نشرت البيرق المشهــــور
وان ضاق صدري قلت يااهل الركب نوخوا **** ارض(ن) من البيضا حيا ممطور
وفكـــوا ركايبهم ونـــادوا وديعـــها **** راعي الركاب الجيد المذكور
وقال ارجحنوا يااهل الركب واسكنوا **** واخذ الفرنج القدم يالمسحور
وقالــــوا له المسبار وايــق قذايلـــه **** من خوف اهل هجن وراه سبور
ودنـــوا لي الخمره ودنــــوا بناتـــها **** مصاف(ن) لطيفات وساع نحور
ومحماس جابوه العوارض من ارضهم**** وزباد(ن) علينا كل ساع يدور
وبن(ن) يمــــاني كن وصفه وحليتــــه **** يشدي رقوم(ن) في خدود الحور
شربنــــا وثنينا بوزعــــة خوينــــا **** من خوف لايلحق منه مسعور
.....الخ

القصيدة الثانية:

يالله يالمطلوب ياقايد الرجى **** يامن جميع الناس في رجواه
انك تضيفنا يالوهاب بالحيــا **** الحيــــا اللي تستبق ثمـــــراه
قال الحليس اللي ليا ناموا العرب **** وهو مراوس للجدي يتلاه
دنا ثلاث دلال والنجر غيـــرها **** وبن(ن) على جمر الغضى يصلاه
ومع فاحته بالهيل ابه فاح خاطري**** سواة جزاح الغدير بمــاه
كلام(ن) احلى من شراب(ن) من المطر **** للي طراه القاض لين اغشاه
واحلى من الصفري ليا جاد واستوى **** وعلى طلوع سهيل حل جراه
واحلى من اللي يوم يطلق صرارها **** تروي ولدها والقدح تملاه
وهذا وياراكب على طيب النسب **** سبحان رب(ن) صوره واسواه
وذرعته ذراعين وان ماقلت في زياده **** والله من اسباب العرب ياقاه
حر(ن) سوات القيف وان جاك منحني **** وكن الحبر ينزاح من علباه
واوذان مثل الخـــوص والخد كنــــه **** قمـر ثلاث ليا اشتهر مبـــداه
كن الوبـــاره غاشيات(ن) ردوفـــه **** سوات جــوخ نشر من مطواه
وفخوذ كما البيبان لألقت صروعها **** وذيل(ن) عطر كن القصب حلياه
والهــــــا علي الحر والها جوابــــه **** ومدري وش اللي حيره وابطاه
صروف الليالي بين يوم(ن) وليلــه **** تحقل بحـــب مـــاحذي بـــذراه
......الخ

القصيدة الثالثة:

قم يامحمد شب لي تالي الليل **** لاحل بعيون الرخوم الرقادي
شفي من الحاجات ست(ن) وثنتين **** ثمان ماش لها شدي يشادي
النجر والمحماس والبن والهيل **** وخمره ومصفاتين واربع زبادي
زين لها الحمسه وسقوتك بالكيل **** حتى يجي فنجالها اشقر يشادي
كنه ليا حول ببيض الفناجيل **** دم الغزال بروس بيض النفادي
الدول الاول قلطه للرياجيل **** وخلى الخصايص للوجيه البوادي
ربع(ن) يسرونك بليا هل الضين **** يعطون طلاب الحقوق الجوادي
وان جتك سمحه تمسح الورك بالذيل **** محنيت(ن) مثل الجمل بالهدادي
وليا اقبلت فزولها الربع الاقصين **** وخلا لها الترعه كبير الثنادي
عساه عند اللي لهم عندنا دين **** اهل البنادق والرماح الحدادي
لاجالين كربه ولا قاضين دين **** ولاهوب عن مجلي الانياب غادي
يسرح ويضوي في الغنم كنه القين **** وليا سرح وليا ان فيه سدادي




منقول : من الأمير حربيش


وهذي إضااافه للموضوع




قصة للشيخ سند الحليس عند حاكم الطائف الشريف زيد ابن فواز

طبعا تعرفون ماكان فيه قضاه يحكمون للناس زمان كان كل شيخ قبيله يحكم لقبيلته

وكان فيه واحد اسمه سند الرداني الجعيد

جا ضيف لسند الرداني وتعشا عنده وطبعا الضيف حارثي من الحرث وعند سند الجعيد

بالبيت سلاح واعجب الضيف بالسلاح واللي كان مليان رصاص وقاعد الضيف يتفرج في

السلاح ويقول لسند السلاح اعجبني وابي اشتريه وقاعد يلعب بالسلاح وثار فيه السلاح ومات

تجمعوا طبعا قبيله سند الرداني علشان يدفعون الديه لاكن الحرث ما اقتنعوا وراحوا

لشيوخ القبائل علشان يحكمون على سند الرداني ومانفع وبعدها جا واحد قال تبون

شيخ يحكم حكم نهائي بينكم روحوا لحاكم الطائف الأمير الشريف زيد ابن فواز وفعلا

راحوا لابن فواز في مجلسه وقصوا عليه القصة كامله لكن ابن فواز احتار وش يحكم في

هذي القضية الصعبة وكان الشيخ سند الحليس من جماعة سند الرداني الجعيد لأن

كلهم من عيال علي بن طويفح بن نفيع وكان الشيخ سند الحليس صاحب منصب عند الشريف

وله صداقة وقدر عنده والشيخ سند الحليس يحامي عن سند الرداني وقال الشيخ زيد

يالربع وش احكم على سند الجعيد سكتوا الناس محتارين لكن الشيخ سند الحليس تكلم

بهذي الحجة يقول:

داخل على الله ثم عليك يابن فواز ْ~ْ~ْ~ْ من القفار بن القفار

الي حط الزهبه فوق النار ْ~ْ~ْ~ْ وحطه بين المعزب والخطار

وان شاء الله مايلحقني ميثار

ضحك الشيخ زيد وحكم ببراءة سند الجعيد وقالهم الخطا على الحارثي هو الي لعب

بالسلاح