وأبديت به يا مطر ما أخفيت

[ابو عبيــد]

البارحه يا مطر ما امسيت
حلو الكرى ما تهنيته

أزعجت من يسكنون البيت
هوجست والصوت جريته

على وليف عليه اشفيت
انا اشهد اني تمنيته

ابو جبين سواة الليت
وقرن على الردف ثاعيته

لا شفني قال لي حييت
يطرب ويفرح لاجيته

يا ماعلى شوفته سجيت
ومع دربه الرجم عديته

وأبديت به يا مطر ما أخفيت
والدرسعي فيه غنيته

واليوم عن سيرته صديت
صديت والغي خليته

لكن هيضتني بالبيت
ياليتني منك ما اوحيته






الشاعر : عيد بجاد معوض ابن شدة العتيبي

[حسن إبراهيم الدجيماء]

الله الله ..

صح لسان الشاعر .. وبيض الله وجهك ..

أخوكـ : الدجيماااء ..!!

[ابو عبيــد]

صح بدنك لاهنت وحياك الله

[ابو حاتم الموج]

صــح لسانك يامبدع .. على هذه الابيات الطيبة

[ابو عبيــد]

صح بدنك يالخطيب لاعدمنا هالطله الغاليه علينا