هذه ابيات من قصايد قديمه وهي للشاعر هداف عائض القحطاني
قد لاتكون عندي اجمل القصيد ولكنها بالنسبه لي اصدق القصيد ولها ذكريات عندى لاتنسى
وهي نابعه من معاناه واضحه في ابياتها وهي معاناه حقيقيه كما ذكرها لي احد اقارب الشاعر وقال انه ترك ديرته الاساسيه وهي تثليث ورحل الى قطر
يقول في احى قصائده
يوم الاحد لاعاده الله ولا اسقاه=ولاعاد يوم (ن) فيه فارقت غالي
فارقت من قلبي يحبه ويهواه=حبيب ماغيره حبيب(ن)صفالي
الصاحب اللي تل قلبي وعناه=مبلي بحبه من قديم (ن)وتالي
ابوخشيم(ن)سلة السيف حلياه=ادعج غنج والعنق عنق الغزالي
والعين عين اللي على الوكر شفناه=سود(ن)هدبها فوق خده اضلالي
الله ياليت الهوى ماعرفناه=كان استرحت ولاجرا اللي جرالي
اوليت عقب العرس ماذقت فرقاه= ليته معي واشوف زوله اقبالي
ومن قصيده اخرى هذه البيتين
يبو العيون الوساع الساحرات السود=دخيلك ارحم ترا اللي جاني اكفاني
اضن يازين مالك من عذابي زود=حرام عذبتني وافرحت عدواني
ومن قصيده اخرى
لي حبيب(ن)غاب عني لي اشهور وسنين=ارمست الاخبار دونه وقلبي مانساه
صاحب(ن)حبه قتلني وخلاني حزين=صاب قلبي وانبرا الحال من سبة هواه
ومن قصيده اخرى ايضا
ياطروش(ن)تجونه بلغوه السلام=القدرفرقتنا بين يوم(ن)وليل
صاحبي لك بقلبي مقدره واحترام=لوتزول الجبال الراسيه ماتزيل
« آخـــر الـــمـــشـــاركــــات »
07-Apr-2007, 03:53 PM
العرض المتطور
